यस पटेर्वा सुगौली गाउँपालिका पर्साबाट मिति २०७९ असार ३१ गते शुक्रबारको दिन " पटेर्वा सुगौली गाउँपालिकाको दोस्रो कार्यकालको प्रथम अधिवेशनबाट आ.व २०८९।०८० को लागि पारित बाजेट/कार्यक्रम तथा निर्णयहरुको सार्वजनिकिकरण" गा.पा अध्यक्ष श्री दिनेश कुमार चौधरी ज्यूको अध्यक्षतामा सम्पन्न गरियो। उक्त कार्यक्रममा गा.पा उपाध्यक्ष, वडाध्यक्षहरु(सबै), कार्यपालिका सदस्यहरु(सबै), गाउँ सभा सदस्यहरु(सबै), प्र.प्र.अ , पत्रकारहरु लगायत सम्पूर्ण कर्मचारीहरुको उपस्थिति रहेको थियो। गा.पा उपाध्यक्ष ममता महतो ज्यूबाट आ.व २०७९।०८० को अनुमानित आय-व्यय र विषयगत क्षेत्रहरुमा वजेट विनियोजन तथा निर्णयहरु सार्वजनिक गरियो।

यस पटेर्वा सुगौली गाउँपालिका पर्सामा श्री ने.रा.आ.वि फरादवामा ३ दिने (मिति २०७९ असार २४ देखि २६ गते सम्म)  जनप्रतिनिधिहरु तथा कर्मचारीहरुलाई समाजिक सुरक्षा तथा व्यक्तिगत घटना दर्ता सम्बन्धी अभिमुखिकरण प्रशिक्षण कार्यक्रम सम्पन्न भएको छ।

२०७९ असार १५ गतेको दिन पटेर्वा सुगौली गा.पा वडा नं. ३ स्थित पूर्व देकुलीमा "१९ औँ राष्ट्रिय धान दिवस " - धानवालीमा जैविक विविधताको उपयोग, आयात प्रतिस्थापनमा सहयोग मूल नाराका साथ पूर्व मन्त्री माननीय सुरेन्द्र प्रसाद चौधरीको प्रमुख अतिथि, अध्यक्षता -गा.पा अध्यक्ष श्री दिनेश कुमार चौधरी, विशिष्ट अतिथि उपाध्यक्ष श्री ममता महतो , वडाध्यक्षहरु, कार्यपालिका सदस्य, गाउँ सभा सदस्य, कृषक समूह/कृषकहरु,कर्मचारीहरु, पत्रकारहरु आदिको उपस्थितिमा मनाइयो।

यस पटेर्वा सुगौली गाउँपालिकाको कार्यालयको प्राङ्गढमा मिति २०७९ जेठ ११ गते स्थानीय तह सदस्य निर्वाचन २०७९ मा निर्वाचित हुनु भएका जनप्रतिनिधीहरुको गा.पा अध्यक्ष श्री दिनेश कुमार चौधरी ज्यूबाट शपथ ग्रहण कार्यक्रम सम्पन्न भई गा.पा अध्यक्ष, गा.पा उपाध्यक्ष लगायत वडा अध्यक्ष ज्यूहरुको पदभार ग्रहण कार्यक्रम सम्पन्न भएको तस्वीरहरु